Ilisimatusarneq ilaalu ilanngullugit
Ilisimatusarneq inuiaqatigiit ineriartornerannut atugarissaarneranullu pingaaruteqartorujussuuvoq. EU-mi nunat ilisimatusarnermut ineriartortitsinermullu aningaasartuutitik tamarmiusut tunisassiornerup nalingisa (bruttonationalprodukt) 1 procentiinut qaffatsinniarpaat.
Kalaallit Nunaat anguniakkamut taama ittumut pisussaaffilernikuunngilaq, kisianni ilisimatusarnermi ingerlatat ineriartortinnissaannut ingerlatsinissaq oqaasertalerneqarsimavoq.
Kalaallit Nunaanni ilisimatusarneq marlunnut annertuunik imalinnut immikkoortinneqarsinnaavoq;
· Kalaallit Nunaanni inuiaqatigiinut tunngasut aamma silap pissusaanut tunngasut
· Aningaasarsiornikkut pisariaqartitat pillugit ilisimatusarneq europamiunillu imaluunnit nunarsuaq tamakkerlugu soqutigineqartunik tunngaviusumik ilisimatusarneq.